بەرپرسێکی باڵای ئێران لە دادگای ئەڵمانیا دادگایی دەکرێت

Kurdane.com

بەپێی ڕاپۆرتی ڕادیۆ (دیۆچەوێلە)ی فارسی، فۆلکر بێک، نوێنەری پێشووی پەرلەمانی ئەڵمانیا لەدژی موحموود هاشمی شاهروودی، سەرۆکی کۆڕی دیاریکردنی بەرژەوەندییەکانی ئێران بەهۆی "کوشتن و جنیاتی مرۆیی" لە دادگای ئەو وڵاتە سکاڵای تۆمار کردووە.

ئەو پەرلەمانتارە داوای لە دادگای ئەڵمانیا و حکوومەت کردووە کە نابێ بۆ هاشمی شاهروودی پارێزبەندیی یاسایی و دیپلۆماسی بەکار بهێندرێت.

 

فۆلکر ڕۆژی دووشەممە 2018/1/8 لە دادگا لەدژی هاشمی شاهروودی کە بۆ ماوەی دە ساڵ سەرۆکی دەزگای دادوەریی ئێران بووە، تاوانی "کوشتن، پێشێلکاریی مافی مرۆڤ و جینایەتی مرۆیی" هاووڵاتیانی ئیرانی لەسەرە.

 

هاوکات ڕادیۆ (FFN)ی ئەڵمانیا لەمبارەوە بڵاوی کردووەتەوە داواکاری گشتیی ئەڵمانیا حوکمی دەستگیرکردنی مەحموود شاهروودی کە لەو وڵاتە لەژێر چاودێریی پزیشکی دایە، دەرکردووە.

 

لە ئەگەری یەکلابوونەوەی ئەو بڕیارە، شاهروودی پاش تەواوبوونی دەورەی دەرمانەکەی دەبێ لە دادگای ئەڵمانیا ئامادە بێت.

 

لە ڕۆژانی ڕابردوودا 200 هاووڵاتی و چالاکوانی سیاسیی کورد و ئێرانی لەبەردەم نەخۆشخانەی شاری هانۆڤەری ئەڵمانیا کە مەحموود شاهروودی تیدا خەوێندراوە، گردبوونەوەیەکیان ساز کرد و داوای دەستگیری و دادگاییکردنی ئەو بەرپرسە باڵای ئێرانیان کرد.

بۆچونەکان

ناردنی بۆچون