هەنگاوی دوای هەڵکردنی ئاڵا لە کەرکوک

Kurdane.com

ئاڵای کوردستان بەم بارودۆخەی ئەمڕۆوە گرێ دەدەم،ئەوەی پشتڕاستکراوەتەوە ئەوەیە کە ئاڵای کوردستانبە پێنج قۆناخ وسەردەمی دەسەڵاتدارێتی کوردی جیاوازدا تێپەڕیوە

ئاڵا لە ڕواڵەتدا لە چەندپارچە پەڕۆی ڕەنگاوڕەنگ و هێمای جیاواز دروستدەکرێت،بەڵام نە بەلای گەلانی ئازاد و نە گەڵانی ژێردەستەشەوە بەم سادەییە تەماشا و مامەڵەی لەگەڵ دەکرێت،چونکە ئاڵاشوناس و ناسنامە و سەروەری گەلان و وڵاتانە،ئاڵاکان لە ڕوی شێوە و ڕەنگ و وێنەوە جیاوازن،گەلان سەرپشکن لەوەی هەڵیدەبژێرن،دوای سەربەخۆیی هەرگەلێک بە شێوەیەکی ئۆتۆماتیکهەم دەبێتە ئەندامێکی هەمیشەیی نەتەوە یەکگرتوەکانو هەمیش ئاڵاکەشیان دەچێتە ڕیزی ئەو ئاڵایانەی کە لە بەردەم  بارەگای ئەم ڕێکخراوەیە بەرزکراونەتەوە،وڵاتەکەش هەڵدانی لە سەر بینای باڵیۆزخانە و کۆنسوڵخانە و شوێنەتایبەتەکانی دەکەوێتە ئەستۆ.

ئاڵای کوردستان بەم بارودۆخەی ئەمڕۆوە گرێ دەدەم،ئەوەی پشتڕاستکراوەتەوە ئەوەیە کە ئاڵای کوردستانبە پێنج قۆناخ و

 سەردەمی دەسەڵاتدارێتی کوردی جیاوازدا تێپەڕیوە

 

 ١ / میرنشینی سۆران لە ١٨١٦ تا ١٨٣٥

 

لە دوو ڕەنگی وەک یەکی سپی و ڕەش پێکهاتوە ( سپیەکە دیار نیە )

وەک باسدەکرێ دامەزرێنەری ئەم دەوڵەتە ( کەڵۆس )  ناوێک بوە

 

 ٢ /  کەییانی کوردستان لە ١٩٢٢ تا ١٩٢٤

شانشینی کوردستان ( سەردەمی شێخ مەحمودی حەفید )

 

٣ /  کۆماری ئارارات لە ساڵی ١٩٢٧ تا ١٩٣٠ 

سەردەمی ئیحسان نوری پاشا و شێخ سەعیدی پیران و شۆڕشی ئاگری و خوییبون بوە

 

 

٤ / کۆماری مەهاباد لە ساڵی ١٩٤٦

سەردەمی پێشەوا قازی محەمەد و هەڤاڵەکانی

 

 

 

 

 

 

٥ / سەردەمی دوای لە سێدارەدانی پێشەوا و دامەزراندنی

پارتی دیمکراتی کوردستانی عێراقی ئەوکات و خوالێخۆشبو مەلا مستەفای بارزانی.

 بە پێی ئەم ئاڵایانەبێت،لەوە ناچێت کوردستان وەک نەتەوە و نیشتیمان خاوەنی یەک ئاڵا بوبێت

،ئەمەش ئەو گومانە گەشتر دەکاتەوە کە سەرکردە و ڕابەرانی سیاسی کورد لەو سەردەمەشدا کەس نامەی

ئەویتری نەخوێندبێتەوە،بەڵکو هەریەکەو ویستویانە ئاڵایەکی تایبەت بە خۆی هەبێت

لێرەدا دەمەوێت ئاماژە بۆ ئەوە بکەم،هەرچەندە ئەم ئاڵایە نە کورد وەک ئاڵای نەتەوەیی لە سەری کۆکن و نە لە سەر ئاستی ئیقلیمی و جیهانیش دانپێدانراوە،تاکە شتێ کە نیمچە کۆدەنگیەکی لە باشور،ڕۆژهەڵات، بەشێکی ڕۆژئاوای کوردستانی لەسەر بێت

ئەو بڕیارەی پەرلەمانی کوردستانە کە لە ساڵی ٢٠٠٩ کردی بەئاڵای هەرێمی کوردستانی فیدرال.

هەڵکردنی ئاڵای کوردستان لە کەرکوک لە ئەگەریخۆئامادەنەکردن و پێشچاودانەنانی هەمو ئەگەر و پێشهاتەکان ودانەڕشتنیپلانی توکمە بۆ قۆناخەکانی دوای هەڵکردنی ئاڵا ڕەنگە بڕیارێکی نالۆژیکبێت،لە بەرامبەردا بەگرتنەبەری هەمو ڕێوشوێنە ئەمنی و یاسایی دەستوری و سیاسیەکان و خۆئامادەکردن بۆ ڕوبەڕوبونەوەی هەر ئەگەرێکی نەخوازراو وە لەنێویاندا ئەگەری بڕیاریگەڕانەوەی کەرکوک بۆ سەر هەرێمی کوردستان ئەوا هاوکێشەکە تەواو دەگۆڕێت و دەنگ و پشتیوانی تەواوی دانیشتوانی کوردستان بەدەستدەخەن. هەرچەندە دەستبردن لەم کاتە هەستیارە بۆ ئەم پرسە سیاسیە نەتەوەییە بەبێ ڕێکەوتنێکی پێشوەختەی پێکهاتەکانی کەرکوک و هەرێم و نێونەتەوەیی ڕەنگە کارێکی ئاسان نەبێت و ئەگەری ئەوەش هەیەقەیرانگەلێکیترهەڵبتۆقن و باری سەرشانی کەرکوکیەکان و ڕێی خەباتی نیشتیمانیشمان قورستر و سەختربێت.لەوەتەی هەڵکردنی ئاڵای کوردستان لە کەرکوکدا چۆتە بواری جێبەجێکردنەوە، دوژمنانی دەوروپشت و ناوخۆ ماخۆرانیان تێکەوتوە ودەیانەوێت بەهەر نرخێکبێت ئاژاوە و بشێونی لەم شارەدا دروستبکەن بۆیە ناکرێت ئەمە نادیدە بگیرێت!

من بەر لە چەند ساڵ بە پێش بارەگای بەرەی تورکمانیدا ڕەت بوم،بینیم بە گەورەیی و بە زمانی عەرەبی نوسرابو(  کرکوک مدینە ترکمانیە و ستبقی و للابد ترکمانیە ) ( کەرکوک شارێکی تورکمانیە و بۆ هەتاهەتایە بە تورکمانی دەمێنێتەوە ) ئەمە لە کاتێکدایە کە هەموان ئەوە دەزانین کە هێزی پێشمەرگەی کوردستان و ئاسایشی هەرێمە هەم شارەکە و هەمیش پێکهاتەکانی بە تورکمان و بەرەی تورکمانی / تورکیاشەوە لە دەستی تیرۆرستانی داعش و دوژمنان دەپارێزن، کەچیزۆر بێشەرمانە کۆمەڵێک لە هەوادارانی بەرەی تورکی و  بە فیتی ئاغاکانیان لە دژی هەڵکردنی ئاڵای کوردستان دەوەستنەوە . لێرەدا جێی خۆیەتی بەشیریان بیر بخەیتەوە کە بەهەمو فسفس پاڵەوانەکانیانەوە نەیانتوانی بێهێزی پێشمەرگە بستێکی لێ ئازاد بکەن؟

ئومێدەخوازم خۆشمان ئیتردەست لە موزایەدەی سیاسی هەڵبگرینکە لەلایەک بەدڵ و قودسیبچوێنین و لە پشتەوەش وەک کاڵا بازرگانی پێوە بکەین!

وەک کوردێک،کەرکوکیەک و ڕۆشنبیرێکی ئەم شارەدەستخۆشی و پیرۆزبایی هەڵکردنی ئاڵای کوردستان لە بەڕێز دکتۆر نجم الدین کەریم و کاک ڕێبوار تاڵەبانی و ئەندامانی ئەنجومەنی پارێزگای کەرکوک و کەرکوکیەکان و کوردستانی گەورە دەکەم.

دەستم دامێنتان نەکەن سبەی بە بڕیارێکی سیاسی حیزبێک،لایەنێک، شکۆی ئاڵاکە و کەرکوکیەکان بشکێنن و ئاڕەقەی شەرمەزاری لەبەرامبەر دوژمنانی ئاڵاکەمان بە ئێمەش بڕێژن، کورد دەڵێت ( سوار بون عەیبێکە و دابەزین دوو عەیب ) .

مەهدی خالید خەمبار

 

بۆچونەکان

ناردنی بۆچون